用 Tiger Trade 定投美股，輕鬆把握適當時機！lg...

時常會有朋友來問能不能抄底？或者什麼時機適合抄底？今天打算來總結一下自己粗淺的想法，同各位虎友一齊探討一下個話題，如果你真心想抄底，花啲時間睇睇都無妨。

首先講吓乜嘢值得買？

我諗大多數投資者應該都聽過巴菲特講過嘅一句說話，就係：「通過定投指數基金，一個乜都唔識嘅投資者通常都能打敗大部分專業的基金經理。」而呢個指數實際上指嘅就係標準普爾500指數 $標普500(.SPX)$ 。其實巴菲特唔止一次爲標普500「代言」，喺2014年畀股東嘅信中，巴菲特就曾表示，「我嘅遺囑裏放10％現金在政府債券，其餘90％全部放喺標普500裏。”

那麼到底乜嘢係標普500？

標普500一般指「標準普爾500指數」，係跟蹤和衡量美國股票市場上500間最大上市公司股價表現嘅指數，佔美國股票總市值約80%。自1957年創立至今已有65年歷史。好似我地熟知嘅蘋果、微軟、亞馬遜、Tesla、Google，巴郡、強生等公司都包括在內。

點解值得投資呢？

首先呢個指數衡量嘅係美股500間公司的股市表現，佔美國股票總市值80%，相比於投資單一個別股份，投資指數抗風險性更強，亦即係我哋成日講嘅唔好將雞蛋放晒同一個籃裡面。值得一提嘅係標普500指數成分股並唔係一成不變嘅，而係動態更新，每個季度都會納入符合資格嘅公司，與此同時都會剔除一些公司。

下圖係美股標普500指數從2004年至今嘅走勢圖，由1957年創立到2020年底，標普500指數平均每年升幅超過12%，仲未計複利，已經超過市面上好多理財收益。就連巴菲特都曾經講過，對大多數人嚟講，最好嘅投資方法，就係投資標普500指數。

抄底標普500投資分析

雖然標普500平均漲幅在12%，但並唔係任何時間買入都穩賺，舉個例子，在2000年互聯網泡沫破滅時，標普500指數也曾回落40%，2008金融危機時，標普500指數也曾回落38%。如果高價買入，而且唔可以長期持有嘅話，虧蝕同樣驚人。

咁我哋應該幾時買入呢？其實都係好難判斷嘅。我地成日睇到各種投行分析師預測標普500的短期走勢，咁到底準不準呢？見仁見智。

仲記得2022年初，標普500指數運到4200呢一個關鍵位，大多數華爾街分析師保持樂觀，認爲基於強勁的企業盈利、穩健經濟增長以及供應鏈壓力可能喺下半年有所緩解，今年標普500指數依然有10%左右上升空間（較2021年），4800-5000之間係各大投行相對一致的共識，目前爲止大盤走勢可能「打臉」大部分權威機構。

即使係經驗豐富嘅華爾街分析師，都成日「交學費」，而對於普通投資者嚟講，試圖預測短期走勢嘅難度可想而知。正如華爾街相傳：「要在市場中準確地踩點入市，比在空中接住一把飛刀更難。」但如果我哋將時間拉長，投資嘅容錯率就變得更高。從下圖可以看出，標普500在過去50年的5年平均報酬率爲負數的有7次，10年平均利潤係負數有2次，而當我哋將時間拉長到15年，就未出現過負數喇。即使是收益最差嘅年限，標普500嘅15年平均收益率都有4.24%，中位數高達10%。 基於之前嘅假設，標普500指數短期行情好難判斷，但長期值得投資，我們「抄底」嘅最好辦法實際上可以考慮定投。定投有好多種方式，比如定期定額，定期定股，以及定期定值....不過最常見而且最容易理解嘅係定期定額，相信買過基金嘅朋友一定對呢個方式較熟悉，舉個簡單的例子，假設我哋2022年初決定定投SPY，每個月月頭設置1000美金嘅定期定額SPY，等到11月，我們相當於買咗10000美金，共買入24股SPY。而如果我們年頭就直接all in的話，我們相當於只有20.9股。

1月	2月	3月	4月	5月	6月	7月	8月	9月	10月	總計
1000	1000	1000	1000	1000	1000	1000	1000	1000	1000	10000
SPY價格	476.3	450.68	435.04	453.31	412.07	415.17	376.56	409.15	392.89	361.08
股數	2.099517111	2.218869264	2.298639206	2.205995897	2.42677215	2.408651878	2.65561929	2.444091409	2.545241671	2.76946937	24.07286725

定投之所以能受到廣泛關注，主要係克服咗人性中貪婪恐懼嘅特性，通過觀察你會發現定投會喺下跌嗰陣投資更多，而上升嗰陣投入減少，對於一個長期收益有增長嘅資產，時間就係我哋嘅朋友，而定投就幫我地把握呢個朋友嘅連接。入市位點揀呢？標普500ETF種類繁多，我哋應該揀邊隻呢？如果係追求短期收益，咁以下嘅ETF都可以選擇。但如果打算長期定投，槓桿ETF（leveraged）同反向ETF（inverse）就唔建議喇。點解呢？主要係因為損耗。

以槓桿ETF爲例，假設有個指數，基數100，每日升5%，連升4日，以不帶槓桿和帶兩倍槓桿計算，實際上就係每天基數連續乘1.05同1.1嘅區別。最後帶兩倍槓桿ETF嘅升幅是不帶槓桿ETF嘅兩倍多。但如果市場波幅動盪，就算指數微升，但兩倍槓桿嘅ETF反而會跌。對於長期投資者嚟講，如果將週期拉長，耗損將會變得同樣驚人。 如果排除槓桿ETF同反向ETF，可以揀嘅主要集中在$標普500ETF(SPY)$, $標普500指數ETF(IVV)$，$Vanguard標普500ETF(VOO)$ ，$SPDR Portfolio S&P 500 ETF(SPLG)$ 呢四隻，喺投資ETF嘅時候，除咗收益率，我哋仲需重點關注AUM資產管理規模、Expense ratio費用率同Issue發行商。

第一步係睇發行商，揀規模大啲嘅發行商會比較好，先鋒集團（Vanguard Group）同道富環球資管公司（State Street Global Advisors）以及安碩（iShare）這種都係業界比較知名嘅龍頭。全球7000隻ETF中，單係呢三間發行嘅就佔80%以上，相當於係ETF發行商屆嘅三星蘋果。

其次是看AUM資產管理規模，一般越高越好，因爲資產太小嘅流動性不好，會出現買單賣單價差過大。最後係睇管理費用，喺同等條件相近嘅情況下，管理費用越低越好。以上是我關於標普500嘅定投分享，歡迎各位一起探討一下這個話題，一齊把握入市時機。$标普500ETF(SPY)$ $标普500(.SPX)$